monumenta.ch > Gregorius Turonensis > 47.
Gregorius Turonensis, Libri octo miraculorum, Lib. II, , 46. <<<     >>> 48.

Gregorius Turonensis, Libri octo miraculorum, Lib. II, 47.

1 Erat quidam contractus, qui in similitudinem heremitae, cuius bos quondam solatium fuit, bovem unum habebat.2 Quem plaustro coniunctum, per domos trahebatur, stipem postulans devotorum.3 Igitur cum inminente festivitate pontificis Turonus advenisset, prostratus coram sepulchro, orationi incumbens, devotissime beati antistitis auxilium flagitavit, deportatusque iterum a suis ante sanctam absidam tumuli ponitur.4 Cumque, expletis missis, populus coepisset sacrosanctum Redemptoris corpus accipere, ilico dissolutis nodis qui genua nexa tenebant, in pedes eregitur.5 Admirantibus cunctis, gratias agens, gressu proprio usque ad beatum altare, nemine sustentante, processit, sanus deinceps degens.Gregorius Turonensis HOME
bbb199.62v