monumenta.ch > Gregorius Turonensis > 11.
Gregorius Turonensis, Libri octo miraculorum, Lib. II, , 10. <<< >>> 12.
Gregorius Turonensis, Libri octo miraculorum, Lib. II, 11.
1 Coniux Animi tribuni nomine Mummola nocte conterrita a pavore, usum unius pedis perdiderat et ita in debilitate corruerat, ut aliorum manibus sustentaretur evecta, sic ubi disponeret processura.2 Quae ad beati Martini pedes deposita, nocte tota cereum manu pro voto detenuit, nobis in basilicam vigilantibus.3 Mane autem facto, moto matutinis signo, super pedem debilem constetit, ita ut, omni debilitate sedata, ad metatum suum propriis gressibus, nullo sustentante, libera remearet.
Gregorius Turonensis HOME
bbb199.56v