Gregorius Turonensis, Libri octo miraculorum, p4, p8

monumenta.ch > Gregorius Turonensis > 6.
Gregorius Turonensis, Libri octo miraculorum, Lib. II, , 5. <<< >>> 7.

Gregorius Turonensis, Libri octo miraculorum, Lib. II, 6.

1 Alius autem paralyticus ex Aurilianensi territurio carruca devectus, venit ad sanctam basilicam.2 Qui diebus multis iacens ad ostium illum qui secus baptisterio ad mediam diem pandit egressum, beati antestitis inplorabat auxilium.3 Factum est autem, ut una die iacens gravius extra solito torqueretur, ita ut vicinia de proximo ad eius voces concurreret.4 Dissolvebantur autem ligaturae nervorum eius et dirigebantur, propterea erat dolor intolerabilis; et sic, tribuente patrono, erectus super plantas, flens prae gaudio, populo teste surrexit.5 Qui continuo clericus factus et in sospitate firmatus, ad domum regressus est.