Gregorius Turonensis, Libri octo miraculorum, p3, p38

monumenta.ch > Gregorius Turonensis > 37.
Gregorius Turonensis, Libri octo miraculorum, DE VIRTUTIBUS SANCTI MARTINI EPISCOPI, Lib. I, , 36. <<< >>> 38.

Gregorius Turonensis, Libri octo miraculorum, DE VIRTUTIBUS SANCTI MARTINI EPISCOPI,..., 37.

1 Quid de disintericis dicam, ubi tam velociter invenitur medella, quam fideliter fuerit inquisita? Nam vidi mulierem a desinteria per quinque menses graviter laborantem, ita ut, cum necessitas commoverit, inter manus loca necessaria transferretur, qui simul et confortationem cibi et virtutem corpusculi superflue digerendo perdiderat, me indice ad basilicam vigilasse; reddito autem post nocturnis tenebris diem, abrasum beati tumuli pulverem, et remedium hausisse simul et poculum, eamque domi propriis gressibus fuisse redditam, qui veniens ab aliis fuerat sustentata.