monumenta.ch > Gregorius Turonensis > 38.
Gregorius Turonensis, Libri octo miraculorum, Lib. II, , 37. <<<     >>> 39.

Gregorius Turonensis, Libri octo miraculorum, Lib. II, 38.

1 Puella quaedam lippis oculis et, nimio imbre lacrimarum profluente, pene caecata.2 Cuius pater, audita virtute martyris gloriosi, cum ea ad basilicam sanctam properat, celebratisque vigiliis, mane pauperibus qui ad matriculam illam erant cibum potumque protulit. Aepulantibus vero illis, subito puella capitis dolore se [torqueri] proclamat et, ut modico sopori indulgeator, inplorat.3 Qua quiescente, cum convivae aepulum adplicarent, illa surrexit et ad sanctum se altare ducere poscit.4 Antequam solo prostrata fuisset et adtente Domini misericordia deprecaretur, restrictis lacrimis, purgatis lippitudine oculis, laeta surrexit.5 Tunc, patre gaudente, domi redditur sana.Gregorius Turonensis HOME