monumenta.ch > Gregorius Turonensis > 10.
Gregorius Turonensis, Libri octo miraculorum, Lib. II, , 9. <<<     >>> 11.

Gregorius Turonensis, Libri octo miraculorum, Lib. II, 10.

1 Quidam dum in seditione, quam commoverat, cum oculum amisisset, hominem qui ictum intulerat de basilica conabatur extrahere; quod dum agit, non modo amissi oculi non recepit lumen, verum etiam sentit, alium, quem sanum habuerat, obcaecari.2 Porro, cum peccata sua confiteretur, dicens: 'Merito mihi evenit iudicium sine misericordia, qui non feci misericordiam', prostratus coram sancto sepulchro cum populo, qui tunc ad festivitatem advenerant, indulgens laedenti, et visum recepit et gratiam.3 Sicque factum est, ut is qui sancti auxilium expetierat tutaretur, et ille vero qui non credebat argueretur; et sic uterque laetus emendatusque discessit.Gregorius Turonensis HOME