monumenta.ch > Gregorius Turonensis > 8.
Gregorius Turonensis, Libri octo miraculorum, Lib. II, , 7. <<<     >>> 9.

Gregorius Turonensis, Libri octo miraculorum, Lib. II, 8.

1 Prostratis ergo Hillidius hostibus, quattuor ex his per fugam lapsi, patenam et urceum, qui anax dicitur, in patriam deferunt, et divisam in tantis ut erant partibus patenam, urceum regi Gundobaldo ob gratiam exhibent conquirendam.2 Reliquum vero argentum reginae sagacitas repperit; cui additis multis muneribus, loco illi sancto restituit, fideliter insinuans regi, non oportere eum, ut gratiam martyris sancti propter argenti parvitatem amitteret.Gregorius Turonensis HOME