Gregorius Turonensis, Libri miraculorum, 2, 26

monumenta.ch > Gregorius Turonensis > 26
Gregorius Turonensis, Libri miraculorum, 2, XXV. De mei capitis dolore. <<< >>> XXVII. De tonitruo in basilica facto, et coruscatione.

Gregorius Turonensis, Libri miraculorum, 2, CAPUT XXVI. De febricitante ad fontem sanato.

1 Est enim ad hunc fontem, quia ibidem martyr percussus est, virtus eximia.2 Quidam a febre correptus, dum in extremis ageret, desiderium habuit de aqua fontis haurire, ad quam etiam se deportari fideliter exoravit: qui a suis inter manus apprehensus, et in loco depositus, protinus ut aquae haustum accepit, et faciem caputque perfudit, recipere meruit sanitatem; et aliorum manibus illatus, propriis gressibus est regressus.3 Fuit autem incola huius vici, sed excidit nomen eius.