Gregorius Turonensis, Historiae, 08, 23

monumenta.ch > Gregorius Turonensis > 23
Gregorius Turonensis, Historiae, 8, XXII De obito episcoporum et Wandalini. <<< >>> XXIV De insolis maris.

Gregorius Turonensis, Historiae, 8, XXIII De diluviis.

1 Magnae hoc anno pluviae fuerunt, amnesque in tantum convaluerunt, ut plerumque naufragia evenirent. Ipsique litora excedentes, propinquas segetis ac prata operientes graviter eliserunt, fueruntque vernalis aestivique mensis tam inrigui, ut hiems magis potaretur esse quam aestas.