Gregorius Turonensis, Historiae, 05, 37

monumenta.ch > Gregorius Turonensis > 37
Gregorius Turonensis, Historiae, 5, XXXVI De Eraclio episcopo et Nanthino comite. <<< >>> XXXVIII De persecutione christianorum in Spaniis.

Gregorius Turonensis, Historiae, 5, XXXVII De Martino Calliciense episcopo.

1 Hoc tempore et beatus Martinus Galliciensis episcopus obiit, magnum populo illi faciens planctum. Nam hic Pannoniae ortus fuit, et exinde ad visitanda loca sancta in Oriente properans, in tantum se litteris inbuit, ut nulli secundus suis temporibus haberetur. Exinde Gallitiam venit, ubi, cum beati Martini reliquiae portarentur, episcopus ordinatur.2 In quo sacerdotio impletis plus minus triginta annis, plenus virtutibus migravit ad Dominum. Versiculos, qui super ostium sunt a parte meridiana in basilica sancti Martini, ipse composuit.