monumenta.ch > Gregorius Turonensis > 25
Gregorius Turonensis, Historiae, 4, XXIV De patriciato Celsi. <<<     >>> XXVI De uxoribus Chariberthi.

Gregorius Turonensis, Historiae, 4, XXV De uxoribus Gunthchramni.

1 Gunthchramnus autem rex bonus primo Venerandam, cuiusdam suorum ancillam, pro concubina toro subiunxit; de qua Gundobadum filium suscepit. Postea vero Marcatrudem, filiam Magnarii, in matrimonium accepit. Gundobadum vero filium suum Aurilianis transmisit. Aemula autem Marcatrudis post habitum filium in huius morte crassatur; transmissum, ut aiunt, venenum in potu maedificavit.2 Quo mortuo, ipsa iudicio Dei filium, quem habebat, perdidit et odium regis incurrit, demissaque ab eodem, ne multo post tempore mortua est. Post quam Austerchilde cognomento Bobillam accepit, de qua iterum duos filios habuit, duorum senior Chlotharius, minor Chlodomeris dicebatur.Gregorius Turonensis HOME
bnf5921.47 bnf9765.48 bnf17654.134 bnf17655.109 cpl864.93