Gregorius Turonensis, Historiae, 03, 8

monumenta.ch > Gregorius Turonensis > 8
Gregorius Turonensis, Historiae, 3, VII Bellum contra Thoringus. <<< >>> IX Quod Childeberthus Arvernus abiit.

Gregorius Turonensis, Historiae, 3, VIII De interitu Hermenifredi.

1 Idem vero regressus ad propria, Hermenefredum ad se data fidem securum praecipit venire, quem et honorificis ditavit muneribus. Factum est autem, dum quadam die per murum civitatis Tulbiacensis confabularentur, a nescio quo inpulsus, de altitudine muri ad terram corruit ibique spiritum exalavit.2 Sed qui eum exinde deiecerit, ignoramus; multi tamen adserunt, Theudorici in hoc dolum manifestissime patuisse.