monumenta.ch > Gregorius Turonensis > 16
Gregorius Turonensis, Historiae, 2, XV De basilica sancti Simphoriani. <<<     >>> XVII De coniuge eius et basilica sancti Stephani.

Gregorius Turonensis, Historiae, 2, XVI De Namatio episcopo et ecclesia Arverna.

1 Sanctus vero Namatius post obitum Rustici episcopi apud Arvernus in diebus illis octavus erat episcopus. Hic ecclesiam, qui nunc constat et senior infra murus civitatis habetur, suo studio fabricavit, habentem in longo pedes CL, in lato pedes LX, id est infra capso, in alto usque cameram pedes L, inante absidam rotundam habens, ab utroque latere ascellas eleganti constructas opere; totumque aedificium in modum crucis habetur expositum.2 Habet fenestras XLII, columnas LXX, ostia VIII. Terror namque ibidem Dei et claritas magna conspicitur, et vere plerumque inibi odor suavissimus quasi aromatum advenire a religiosis sentitur. Parietes ad altarium opere sarsurio ex multa marmorum genera exornatos habet. Exactum ergo in duodecimo anno beatus pontifex aedificium, Bononiae civitatem Italiae sacerdotes dirigit, ut ei reliquias sanctorum Agricolae et Vitalis exhibeant, quos pro nomine Christi Dei nostri manifestissime crucifixos esse cognovimus.Gregorius Turonensis HOME
bav845.148 bmv518.288 bnf5325.136 bnf5921.14 bnf9765.22 bnf13759.133 bnf17654.28 bnf17655.54 bnf18312.253 cpl864.44 hab82.306