monumenta.ch > Gregorius Turonensis > XXVII.
Gregorius Turonensis, Historia Francorum, LIBER OCTAVUS., , XXVI. <<< >>> XXVIII.
Gregorius Turonensis, Historia Francorum, LIBER OCTAVUS., XXVII.
1 Desiderius vero dux cum aliquibus episcopis, et Aredio abbate vel Antestio, ad regem Guntchramnum properavit.2 Sed cum eum rex aegre vellet accipere, victus precibus sacerdotum in gratiam suam recepit.3 Tunc ibi Eulalius adfuit quasi pro coniuge, quae eum spreverat, et ad Desiderium transierat, causaturus: sed in ridiculum et humilitatem redactus, siluit.4 Desiderius vero remuneratus a rege, cum gratia est reversus.
Gregorius Turonensis HOME
hab1092.42