Gregorius Turonensis, Historia Francorum, p6, p50

monumenta.ch > Gregorius Turonensis > 5. > 1. > XXXVII. > XV. > XV. INCIPIT DE SANCTO SENOCH ABBATE. > 55. > 67. > 6 > XLVIII.
Gregorius Turonensis, Historia Francorum, LIBER QUINTUS., , XLVII. <<< >>> XLIX.

Gregorius Turonensis, Historia Francorum, LIBER QUINTUS., XLVIII.

1 Audiens autem Chilpericus omnia mala quae faciebat Leudastes ecclesiis Turonicis, et omni populo, Ansoualdum illuc dirigit: qui veniens ad festivitatem sancti Martini, data nobis et populo optione, Eunomius in comitatum erigitur.2 Denique Leudastes cernens se remotum, ad Chilpericum dirigit, dicens: Usque nunc, o piissime rex, custodivi civitatem Turonicam; nunc autem me ab actione remoto, vide qualiter custodiatur.3 Nam noveris quia Gregorius episcopus eam ad filium Sigiberti tradere destinat.4 Quod audiens rex, ait: Nequaquam, sed quia remotus es, ideo haec apponis.5 Et ille: Maiora, inquit, de te ait episcopus.6 Dicit enim reginam tuam in adulterio cum episcopo Bertchramno misceri.7 Tunc iratus rex, caesum pugnis et calcibus, oneratum ferro recludi praecepit in carcere.