Gregorius Turonensis, Historia Francorum, p6, p26

monumenta.ch > Gregorius Turonensis > XXIV.
Gregorius Turonensis, Historia Francorum, LIBER QUINTUS., , XXIII. <<< >>> XXV.

Gregorius Turonensis, Historia Francorum, LIBER QUINTUS., XXIV.

1 Posthaec in nocte, quae erat tertio Idus Novembris, apparuit nobis beati Martini vigilias celebrantibus magnum prodigium; nam in medio lunae stella fulgens visa est elucere, et super ac subter lunam aliae stellae propinquae apparuerunt.2 Sed et circulus ille, qui pluviam plerumque significat, circa eam apparuit.3 Sed quae haec figuraverint, ignoramus.4 Nam et lunam hoc anno saepe in nigredinem versam vidimus, et ante Natalem Domini gravia fuere tonitrua.5 Sed et splendores illi circa solem, sicut iam ante cladem Arvernam fuisse commemoravimus (Lib. IV, cap. 31), quos rustici soles vocant, apparuerunt; et mare ultra modum egressum asserunt, et multa alia signa apparuerunt.