monumenta.ch > Gregorius Turonensis > XXXII.
Gregorius Turonensis, Historia Francorum, LIBER QUARTUS., , XXXI. <<<     >>> XXXIII.

Gregorius Turonensis, Historia Francorum, LIBER QUARTUS., XXXII.

1 Erat tunc temporis apud Randanense monasterium civitatis Arvernicae presbyter praeclarae virtutis, Iulianus nomine, vir magnae abstinentiae, qui neque vinum neque ullum pulmentum utebatur, cilicio omni tempore sub tunicam habens, in vigiliis primus, in oratione assiduus: cui inergumenos curare, caecos illuminare, vel reliquas infirmitates depellere per invocationem dominici nominis, et signaculum sanctae crucis facile erat.2 Idem cum stando pedes ab humore haberet infectos, et ei diceretur, cur contra possibilitatem corporis semper staret, dicere cum ioco spirituali erat solitus: Faciunt opus meum, dum et vita comes est, nec me eorum sustentatio Domino iubente relinquit.3 Nam vidimus cum quadam vice in basilica beati Iuliani martyris inergumenum verbo tantum curasse: quartanariis et aliis febribus saepe per orationem remedia conferebat.4 Qui sub hoc tempore luis, dierum atque virtutum plenus ex hoc mundo est assumptus in requie.Gregorius Turonensis HOME
bnf5922.216 hab1092.20