monumenta.ch > Gregorius Turonensis > XXV.
Gregorius Turonensis, Historia Francorum, LIBER QUARTUS., , XXIV. <<<     >>> XXVI.

Gregorius Turonensis, Historia Francorum, LIBER QUARTUS., XXV.

1 Guntchramnus autem rex bonus, primo Venerandam, cuiusdam suorum ancillam, pro concubina thoro subiunxit, de qua Gundobadum filium suscepit.2 Postea vero Marcatrudem, filiam Magnarii, in matrimonium accepit.3 Gundobadum vero filium suum Aurelianis transmisit.4 Aemula autem Marcatrudis post habitum filium, in huius mortem grassatur, et transmissum, ut aiunt, venenum in potum, occidit.5 Quo mortuo, ipsa iudicio Dei filium suum quem habebat perdidit, et odium regis incurrit, dimissaque ab eodem, non multo post tempore mortua est.6 Postquam rex Austrechildem, cognomento Bobilam, accepit, de qua iterum duos filios habuit, quorum senior Chlotharius, iunior Chlodomeris dicebatur.Gregorius Turonensis HOME
bnf5922.216 hab1092.18