monumenta.ch > Gregorius Turonensis > XXIV.
Gregorius Turonensis, Historia Francorum, LIBER QUARTUS., , XXIII. <<<     >>> XXV.

Gregorius Turonensis, Historia Francorum, LIBER QUARTUS., XXIV.

1 Cum autem Guntchramnus rex regni partem, sicut fratres sui, obtinuisset, amoto Agroecula patricio, Celsum patriciatus honore donavit, virum procerum statu, in scapulis validum, lacerto robustum, in verbis tumidum, in responsis opportunum, iuris lectione peritum: cui tanta deinceps habendi cupiditas exstitit, ut saepius ecclesiarum res auferens, suis ditionibus subiugarit.2 Nam cum audisset quadam vice Isaiae prophetae lectionem in ecclesia legi, in qua ait: Vae his qui iungunt domum ad domum, et agrum ad agrum copulant usque ad terminum loci (Isai. V, 8), exclamasse fertur: Incongrue hoc Vae mihi et filiis meis.3 Sed reliquit filium, qui absque liberis functus, maximam partem facultatis ecclesiis, quas pater exspoliaverat, dereliquit.Gregorius Turonensis HOME
bnf5922.216 hab1092.18