Gregorius Turonensis, Historia Francorum, p4, p24

monumenta.ch > Gregorius Turonensis > XXII.
Gregorius Turonensis, Historia Francorum, LIBER TERTIUS., , XXI. <<< >>> XXIII.

Gregorius Turonensis, Historia Francorum, LIBER TERTIUS., XXII.

1 Erat autem ibidem tunc matrona, Deuteria nomine, utilis valde atque sapiens, cuius vir apud Biterris urbem concesserat.2 Quae misit nuntios ad regem, dicens: Nullus tibi, domine piissime, resistere potest.3 Cognoscimus dominum nostrum: veni, et quod fuerit beneplacitum in oculis tuis facito.4 Theudebertus autem ad castrum veniens, cum pace ingressus est; subditumque sibi cernens populum, nihil inibi male gessit.5 Deuteria vero ad occursum eius venit; at ille, speciosam eam cernens, amore eius capitur, suoque eam copulavit stratui.