Gregorius Turonensis, Historia Francorum, p4, p3

monumenta.ch > Gregorius Turonensis > I.
Gregorius Turonensis, Historia Francorum, LIBER TERTIUS., , PROLOGUS. <<< >>> II.

Gregorius Turonensis, Historia Francorum, LIBER TERTIUS., I.

1 Defuncto igitur Clodovecho rege, quatuor filii eius, id est Theudericus, Chlodomeris, Childebertus, atque Chlothacharius regnum eius accipiunt, et inter se aequa lance dividunt.2 Habebat iam tunc Theudericus filium, nomine Theudebertum, elegantem atque utilem.3 Cumque magna virtute pollerent, et eis de exercitu robur copiosum inesset, Amalaricus filius Alarici, rex Hispaniae, sororem eorum in matrimonium postulat: quod illi clementer indulgent, et eam ipsi in regionem Hispaniae cum magnorum ornamentorum mole transmittunt.