Gregorius Turonensis, Historia Francorum, p3, p40

monumenta.ch > Gregorius Turonensis > XXXVIII.
Gregorius Turonensis, Historia Francorum, LIBER SECUNDUS., , XXXVII. <<< >>> XXXIX.

Gregorius Turonensis, Historia Francorum, LIBER SECUNDUS., XXXVIII.

1 Igitur Chlodovechus ab Anastasio imperatore codicillos de consulatu accepit, et in basilica beati Martini tunica blatea indutus est et chlamyde, imponens vertici diadema.2 Tunc ascenso equite aurum argentumque in itinere illo, quod inter portam atrii basilicae beati Martini et ecclesiam civitatis est, praesentibus populis manu propria spargens, voluntate benignissima erogavit, et ab ea die tanquam consul aut Augustus est vocitatus.3 Egressus autem a Turonis Parisios venit: ibique cathedram regni constituit.4 Ibi et Theudericus ad eum venit.