monumenta.ch > Gregorius Turonensis > XI.
Gregorius Turonensis, Historia Francorum, LIBER SECUNDUS., , X. <<<     >>> XII.

Gregorius Turonensis, Historia Francorum, LIBER SECUNDUS., XI.

1 Avitus enim unus ex senatoribus, et, ut valde manifestum est, civis Arvernus, cum Romanum ambisset imperium, luxuriose agere volens, a senatoribus proiectus, apud Placentiam urbem episcopus ordinatur.2 Comperto autem, quod adhuc indignans senatus vita eum privare vellet, basilicam sancti Iuliani Arverni martyris cum multis muneribus expetivit: sed impleto in itinere vitae cursu, obiit, delatusque ad Brivatensem vicum, ad pedes antedicti martyris est sepultus: cui Martianus [Forte Maiorianus] successit.3 In Galliis autem Aegidius ex Romanis magister militum datus est.Gregorius Turonensis HOME
bnf5922.87