Gregorius Turonensis, Historia Francorum, p2, p20

monumenta.ch > Gregorius Turonensis > XVIII.
Gregorius Turonensis, Historia Francorum, LIBER PRIMUS., , XVII. <<< >>> XIX.

Gregorius Turonensis, Historia Francorum, LIBER PRIMUS., XVIII.

1 Anno quadragesimo tertio imperii Augusti, Dominus noster Iesus Christus, ut diximus, ex virgine Maria in Bethleem David oppido, secundum carnem natus est: cuius immensum sidus magi ab Oriente cernentes, cum muneribus veniunt, et puerum supplices oblatis donis adorant.2 Herodes vero ob zelum regni sui, dum Deum Christum persequi nititur, parvulos infantes interimit.3 Ipse quoque postmodum iudicio divino percussus est.