Gregorius Turonensis, Historia Francorum, p2, p18

monumenta.ch > Gregorius Turonensis > XVI.
Gregorius Turonensis, Historia Francorum, LIBER PRIMUS., , XV. <<< >>> XVII.

Gregorius Turonensis, Historia Francorum, LIBER PRIMUS., XVI.

1 Ergo ne videamur unius tantum Hebraeae gentis habere notitiam, reliqua regna, quae, vel quali Israelitarum fuerint tempore, memoramus.2 Tempore Abrahae Ninus regnabat super Assyrios; Sicyoniis, Europs; apud Aegyptios autem sexta decima erat potestas, quam sua lingua dynastian vocabant.3 Tempore Moysi, apud Argivos regnabat septimus Tropas: in Attica Cecrops primus; apud Aegyptios, Cenchris duodecimus, qui et in mari obrutus est Rubro; apud Assyrios, sextus decimus Agatadis: apud Sicyonios Maratis.4 Tempore vero Salomonis, quando regnabat super Israel, apud Latinos quintus regnabat Silvius; Lacedaemoniis, Festus; Corinthiis, secundus Oxion; Aegyptiorum, Thephei.5 Centesimo vicesimo sexto anno super Assyrios, Eutropes; Atheniensibus, secundus Agasastus.6 Tempore quo Amon regnabat super Iudaeam, quando captivitas in Babyloniam abiit; Macedoniis praeerat Argeus; Lydorum, Gyges; Aegyptiorum, Vafres; apud Babyloniam, Nabuchodonosor, qui eos captivos abduxit; Romanorum, sextus Servius Tullus.