Gregorius Turonensis, De miraculis S. Martini, 4, 25

monumenta.ch > Gregorius Turonensis > 25
Gregorius Turonensis, De miraculis S. Martini, 4, XXIV. De plurimis caecis energumenisque sanatis. <<< >>> XXVI. De carcerariis absolutis.

Gregorius Turonensis, De miraculis S. Martini, 4, CAPUT XXV De puella a febre sanata.

1 Leonis presbyteri nostri vernacula, cum ad villulam urbi proximam parentalibus ulnis deportata secessisset, vi febris opprimitur, et die ac nocte valde commota in mortis discrimine cernitur.2 Quam videns presbyter exanimari violentia morbi, nocte ascenso equite [Ed., equo], ad basilicam sancti Confessoris accessit, pulsansque ostium cellulae, in qua aedituus quiescebat, virum suscitare nequivit.3 Cumque basilicam sanctam ingredi non valeret, coram absida sepulcri fudit orationem, collegitque parumper de pulvere terreno, quod secum fide plenus evexit, eumque dilutum, ut puellulae ad bibendum protulit, protinus febris abscessit.