Gregorius Turonensis, De miraculis S. Martini, 4, 14

monumenta.ch > Gregorius Turonensis > 14
Gregorius Turonensis, De miraculis S. Martini, 4, XIII. De manu arida restituta. <<< >>> XV. De homine qui ceram transmisit.

Gregorius Turonensis, De miraculis S. Martini, 4, CAPUT XIV. De Baudegisilo debili.

1 Baudegisilus quidam ex Andegavensis urbis territorio, Baudulfi filius, vici Geinensis incola, dum humoris saevi iaculo sauciatur, debilitatus occubuit.2 Isque cum a patre paupere sine operis beneficio pasceretur, ut basilicae sancti Martini limina oscularetur , patrem lacrymis obortis efflagitat.3 Qui nec mora in navi positum, quia vehi altera evectione non poterat, ante pedes Sancti, id est, foris sepulcrum, filium devotus exposuit.4 Qui per dies aliquot orationi vacans, et Sancti auxilium poscens, amota debilitate sanitati restituitur, sicque cum genitore domi incolumis restitutus est.