Gregorius Turonensis, De miraculis S. Martini, 3, 46

monumenta.ch > Gregorius Turonensis > 46
Gregorius Turonensis, De miraculis S. Martini, 3, XLV. De alterius manibus directis <<< >>> XLVII. De eo qui pro debito tenebatur.

Gregorius Turonensis, De miraculis S. Martini, 3, CAPUT XLVI. De muliere cuius brachium contraxerat.

1 Mulier ex Pictavo territorio erat, cuius brachium contractis nervis emarcuerat.2 Ad sepulcrum autem beati Viri veniens, ac in oratione vigiliisque pernoctans, brachium suum sanum retulit: sed illico a dominis in servitio mancipata, eadem incurrit.3 Revertitur iterum, et sanatur.4 Tunc venientes domini eius, et eam abducere nitentes, accepto de rebus Sancti pretio, quieverunt, et ita haec libertati donatur.