Gregorius Turonensis, De miraculis S. Martini, 3, 27

monumenta.ch > Gregorius Turonensis > 27
Gregorius Turonensis, De miraculis S. Martini, 3, XXVI. De muliere contracta. <<< >>> XXVIII. De caeco illuminato.

Gregorius Turonensis, De miraculis S. Martini, 3, CAPUT XXVII. De puero contracto.

1 Puer vero ex Andegavo territorio, dum in domo parentum resideret, per immissionem, ut ipse asserebat, artis diabolicae, manuum pedumque perdidit usum, ita ut contractis intrinsecus digitis, ungulae in palmam defigerentur, nexusque [Al., nervique] poplitum arefacti calcaneos ad crura diverterent: sicque per sex annos a parentibus male baiulatus, ad templum sancti Antistitis deportatur.2 Sed in oratione perdurans, restitutis membris, iuxta nominis sui proprietatem quasi novus effloruit Floridus.