Gregorius Turonensis, De miraculis S. Martini, 3, 14

monumenta.ch > Gregorius Turonensis > 14
Gregorius Turonensis, De miraculis S. Martini, 3, XIII. De Theodanae pede sanato. <<< >>> XV. De Gundulfo debili.

Gregorius Turonensis, De miraculis S. Martini, 3, CAPUT XIV. De homine inclinato.

1 Erat tunc temporis in villa [Ed., urbe], quae sub tuitione sanctae matris ecclesiae habebatur, homo quidam, qui, tanquam effractis renibus, inclinatus ambulabat. Hic iuxta illam Evangelicae seriei mulierem (Luc. XIII, 11) deorsum proclinus nequaquam sursum poterat erigi, sed duobus in ascellis fustibus additis, incurvus agebat gressum.2 Ad festivitatem autem adveniens, tertia die post acta solemnia erectus, ab omni incursione diabolica mundatus, sanus abscessit.