monumenta.ch > Gregorius Turonensis > 48
Gregorius Turonensis, De miraculis S. Martini, 2, XLVII. De contracto, quem bos trahebat. <<<     >>> XLIX. De eo qui contractum brachium detulit.

Gregorius Turonensis, De miraculis S. Martini, 2, CAPUT XLVIII. De eo qui manus ac pedes contractos habebat.

1 Ex pago autem Carnonensi, qui in Andegavo territorio habetur insitus, vir quidam, nomine Floridus, manibus pedibusque contractis, ad sanctam cellulam Condatensem, de qua beatus Confessor ad Christum migravit, allatus est.2 Ubi dum in vigiliis et oratione paucis diebus vacare studuit, omnis aegritudo a corpore eius fugata discessit.3 Sicque directis membris, incolumis ad propria remeavit.Gregorius Turonensis HOME
bnf1712.91 bnf2204.99 bnf9733.57