Gregorius Turonensis, De miraculis S. Martini, 2, 47

monumenta.ch > Gregorius Turonensis > 47
Gregorius Turonensis, De miraculis S. Martini, 2, XLVI. De claudo directo. <<< >>> XLVIII. De eo qui manus ac pedes contractos habebat.

Gregorius Turonensis, De miraculis S. Martini, 2, CAPUT XLVII. De contracto, quem bos trahebat.

1 Erat quidam contractus, qui in similitudinem eremitae, cui bos quondam solatium fuit, bovem unum habebat.2 Quo bove plaustro coniuncto per domos tranebatur, stipem postulans devotorum.3 Igitur cum imminente festivitate Pontificis Turonis advenisset, prostratus coram sepulcro, et orationi incumbens, devotissime beati Antistitis auxilium flagitavit, deportatusque iterum a suis ante sanctam absidam tumuli ponitur.4 Cumque expletis missis, populus coepisset sacrosanctum corpus Redemptoris accipere, illico dissolutis nodis qui genua nexa tenebant, in pedes erigitur.5 Admirantibus cunctis, gratias agens, proprio gressu usque ad beatum altare, nemine sustentante, processit, sanus deinceps degens.