Gregorius Turonensis, De miraculis S. Martini, 2, 44

monumenta.ch > Gregorius Turonensis > 44
Gregorius Turonensis, De miraculis S. Martini, 2, XLIII. De puerulo suscitato. <<< >>> XLV. De duobus puerulis sanatis.

Gregorius Turonensis, De miraculis S. Martini, 2, CAPUT XLIV. De alio caeco illuminato.

1 Sed et de Pictavo quidam caecus, per sex annos lumine viduatus, triduana prostratione ad beatum tumulum orans, lumen quo diu caruerat, operante solita virtute, recepit.2 Actum est autem hoc per festivitatem sancti patroni, in qua Maroveus Pictavis antistes aderat, non immerito Hilarii beatissimi discipulus praeconandus.3 Qui, solemnitate explicita, cum illuminato concive gaudens remeavit ad propriam urbem.