Gregorius Turonensis, De miraculis S. Martini, 2, 29

monumenta.ch > Gregorius Turonensis > 29
Gregorius Turonensis, De miraculis S. Martini, 2, XXVIII. De muliere caeca. <<< >>> XXX. De muliere muta.

Gregorius Turonensis, De miraculis S. Martini, 2, CAPUT XXIX. De duobus caecis.

1 Duo caeci ex Biturigo venientes, arefactis palpebris, et glutino coniunctis, ad pedes beati Domni orantes decubabant.2 Factum est autem in die festivitatis suae astante populo, dum virtutes de vita illius legerentur (Vid. infra, cap. 49), factus est super illos splendor corusco similis, et confractis ligaturis quae palpebras obseraverant, defluente ex oculis sanguine, lateque visu patente, cuncta cernere meruerunt.