Gregorius Turonensis, De miraculis S. Martini, 2, 15

monumenta.ch > Gregorius Turonensis > 15
Gregorius Turonensis, De miraculis S. Martini, 2, XIV. De puella paralytica. <<< >>> XVI. De his quae nauta retulit.

Gregorius Turonensis, De miraculis S. Martini, 2, CAPUT XV. De caeco illuminato.

1 Merobaudus quidam ex pago Pictavensi, dum esset laborans in opere, caecitate pessima, insidiatore immittente, percussus est.2 Qui cum per sex annos male agens in hac infirmitate duraret, advenit ad sanctum templum beati Martini, ibique assidue orationi incumbens, in crastina die de sancta festivitate, dum ad pedes beati Martini staret, subito visum est ei, circa se tanquam coruscatio resplenderet; et statim, apertis oculis, cuncta prospexit.3 Qui continuo clericus factus in eodem loco, sanus abscessit.