Gregorius Turonensis, De miraculis S. Martini, 2, 11

monumenta.ch > Gregorius Turonensis > 11
Gregorius Turonensis, De miraculis S. Martini, 2, X. De muliere a profluvio sanguinis liberata. <<< >>> XII. De dysenterico sanato.

Gregorius Turonensis, De miraculis S. Martini, 2, CAPUT XI. De muliere clauda.

1 Coniux Animi tribuni, nomine Mummola, nocte conterrita a pavore, usum unius pedis perdiderat; et ita in debilitatem corruerat, ut aliorum manibus sustentaretur erecta, sicubi disponeret progressura.2 Quae ad beati Martini pedes deposita, nocte tota cereum manu pro voto detinuit, nobis in basilica vigilantibus.3 Mane autem facto, moto ad matutinos signo, super pedem debilem constitit, ita ut omni debilitate sedata, ad metatum suum propriis gressibus, nullo sustentante, libera remearet.