Gregorius Turonensis, De miraculis S. Martini, 2, 5

monumenta.ch > Gregorius Turonensis > 5
Gregorius Turonensis, De miraculis S. Martini, 2, IV. De servo Simonis presbyteri. <<< >>> VI. De paralytico Aurelianensi.

Gregorius Turonensis, De miraculis S. Martini, 2, CAPUT V. De paralytico Autisioderensi.

1 Quidam ex Austisiodorensi oppido, Manlulfus nomine, deferentium manibus ad beati Martini sepulcrum iactatus est.2 Qui iugi oratione et ieiunio incumbens, pedes quos intortos exhibuerat, reddita subito sanitate retulit in usum consuetum directos; et ita Sancti virtute, quodammodo reformatus est, ut qui aliorum manibus deportabatur, propriis firmatus vestigiis, praesentibus nobis, consurgeret sospes.