monumenta.ch > Gregorius Turonensis > 19
Gregorius Turonensis, De miraculis S. Martini, 1, XVIII. De Siroialense oratorio. <<<     >>> XX. De Ammonio praecipitato.

Gregorius Turonensis, De miraculis S. Martini, 1, CAPUT XIX. De Bella caeca.

1 Nec hoc silebo, quid caecitati contulerit, cum beati sepulcrum devota mulier expetisset.2 Quaedam de Turonico territorio femina, Bella nomine, amisso oculorum lumine graviter laborabat.3 Et cum die noctuque incessabilibus doloribus urgeretur, dicit suis: Si ad basilicam domni Martini ducta fuissem, continuo sanitatem recepissem.4 Confido etenim, quod possit oculis meis lumen infundere, qui potuit pauperis lepram osculo libante sanare.5 Deinde, adminiculo deducente, venit ad sanctum locum, ibique ieiuniis et orationibus crebris insistens, visum quem amiserat recipere meruit.6 Et ita sanata est, ut quae caeca venerat alio perducente, caecis affatim dux futura regressa sit.7 Quae postea virum accipiens, et filios generans, recuperatori gratias rependit incolumis.Gregorius Turonensis HOME
bav845.154 bmv518.313 bnf1712.72 bnf2204.80 bnf5321.82 bnf5325.133 bnf13759.130 bnf18312.266 hab82.298 mdl105.156 ubk426.291