Gregorius Turonensis, De miraculis S. Martini, 1, 10

monumenta.ch > Gregorius Turonensis > 10
Gregorius Turonensis, De miraculis S. Martini, 1, IX. De beato Baudino episcopo. <<< >>> XI. De rege Galliciae populoque conversis, sive, De Suevis.

Gregorius Turonensis, De miraculis S. Martini, 1, CAPUT X. De eo, qui Sancti reliquias Camaracum detulit.

1 Huius tempore quidam de Camaracense ecclesia reliquias beati Martini expetiit.2 Quibus iam vespere acceptis, cum psallendo proficisceretur, et dum Ligerim fluvium transisset, sero factum est, et subito contenebratum est coelum; et ecce fulgura magna ac tonitrua magna descendebant.3 Dum haec agerentur, duae puerorum lanceae, emissas flammeas pharos, lumen euntibus praebuerunt.4 Ibantque fulgurantes hastae, non minus miraculi quam beneficii viatoribus praeferentes, virtutemque beati Antistitis ostendentes.