Gregorius Turonensis, De gloria beatorum confessorum, 100

monumenta.ch > Gregorius Turonensis > 100
Gregorius Turonensis, De gloria beatorum confessorum, XCIX. De Avito confessore Aurelianensi. <<< >>> CI. De Eparcho Equolesinensi recluso.

Gregorius Turonensis, De gloria beatorum confessorum, CAPUT C. De Cypriano Petragorico abbate.

1 Cyprianus abbas Petrocorici oppidi magnificae sanctitatis vir fuit, per quem Deus multa miracula in hoc mundo operari dignatus est (An. 580, 9 Dec.).2 Nam manus debiles frequenter redintegravit, paralyticis gressum, caecis restituit visum; tresque leprosos inunctos oleo pristinae reddidit sanitati.3 Sed et nunc crebro super infirmos sanitates ostendit si fideliter eius tumulum expetant, aut exorent.