Gregorius Turonensis, De gloria beatorum confessorum, 90

monumenta.ch > Gregorius Turonensis > 90
Gregorius Turonensis, De gloria beatorum confessorum, LXXXIX. De Marcello Parisiorum episcopo. <<< >>> XCI. De Genovefa virgine sanctissima .

Gregorius Turonensis, De gloria beatorum confessorum, CAPUT XC. De Germano eiusdem urbis episcopo.

1 Ingrediente autem Chilperico rege in urbem Parisiacam, sequenti die quam rex ingressus est civitatem (An. 576, 28 Maii), paralyticus, qui in porticu basilicae sancti Vincentii, in qua beatus Germanus requiescit in corpore, residebat, dirigitur: mane autem facto, exspectante populo, gratias beato Antistiti referebat.2 Nam saepe ibi et gressus paralyticorum et caecorum visus virtute Sancti restituuntur, et raro advenit eius solemnitas quin ibi eius virtus ostendatur.