Gregorius Turonensis, De gloria beatorum confessorum, 89

monumenta.ch > Gregorius Turonensis > 89
Gregorius Turonensis, De gloria beatorum confessorum, LXXXVIII. De Sequano abbate. <<< >>> XC. De Germano eiusdem urbis episcopo.

Gregorius Turonensis, De gloria beatorum confessorum, CAPUT LXXXIX. De Marcello Parisiorum episcopo.

1 Marcellus vero Parisiacae urbis episcopus, qui quondam, ut in eius Vita legitur, serpentem immensum hoc depulit ab oppido, et nunc in ipsius civitatis vico quiescit (Saec. IV, 1 Nov.).2 Ad cuius tumulum cum Ragnimodus presbyter, qui nunc eius municipii habetur sacerdos, quartano typo veniens decubasset, totaque die ieiunio et orationi vacasset, facto iam vespere obdormivit.3 Expergefactus vero post paululum a somno, incolumis surrexit a tumulo.