Gregorius Turonensis, De gloria beatorum confessorum, 4

monumenta.ch > Gregorius Turonensis > 4
Gregorius Turonensis, De gloria beatorum confessorum, III. De sancto Eusebio Vercellensi episcopo. <<< >>> V. De eodem, et sepulcro Vitalinae virginis.

Gregorius Turonensis, De gloria beatorum confessorum, CAPUT IV. De sancto Martino Turonico episcopo, et sepulcro sancti Gatiani.

1 Gatianum etiam episcopum a Romanis episcopis ad urbem Turonicam transmissum, primumque Turonicis pontificem datum, fama ferente cognovimus (Post an. 250, 18 Dec.).2 Ad cuius tumulum beatus Martinus cum ad orationem venisset, post effusas preces, dicto etiam capitello, ait: Benedic, inquit, mihi vir Dei.3 Haec eo dicente, vox ad eum delapsa auditur, dicens: Te etiam deprecor benedicas mihi, serve Domini.4 Et data iterum oratione discessit.5 Admirabantur autem qui aderant eo tempore, et dicebant eum habitare tunc in Martino, qui quondam Lazarum vocavit ex monumento.