Gregorius Magnus, Moralia in Iob, 32, 8

monumenta.ch > Gregorius Magnus > 15 > 11 > 17 > 6 > 43 > 1 > 20 > 12 > 38 > 57 > 38 > 10 > 1 > 26 > 20 > 8 > 12 > 15 > 5 > 33 > 31 > 3 > 26 > 31 > 24 > 31 > 21 > 19 > 19 > 9 > 16 > 18 > 23 > 7 > 19 > 30 > 25 > 45 > 18 > 27 > 20 > 4 > 37 > 13 > 11 > 35 > 28 > 9 > 33 > 37 > 21 > 62 > 16 > 2 > 40 > 41 > 5 > 20 > 10 > 6 > 3 > 18 > 3 > 8
Gregorius Magnus, Moralia in Iob, 32, VII. <<< >>> IX .

Gregorius Magnus, Moralia in Iob, 32, CAPUT VIII.

IBID.---Et respiciens omnem arrogantem humilia.

[10. ] Omnis arrogans aut poenitendo cognoscit culpam, aut pereundo percipit poenam.---Ac si dicat ut ego. Apte autem ad vindictae ordinem arrogantibus superborum culpa praeponitur, quia nimirum non superbia de arrogantia, sed generatur arrogantia de superbia. Duobus autem modis a Domino peccator unusquisque respicitur, cum aut a peccato convertitur, aut ex peccato punitur. De respectu enim conversionis dicitur: Quia respexit Dominus Petrum, et recordatus Petrus [In duob. Germ. et in Gemet. omittitur verbi Iesu.] verbi Iesu flevit amare [Luc. XXII, 61]. De respectu ultionis rursus dicitur: Vultus autem Domini super facientes mala, ut perdat de terra memoriam eorum [Psal. XXXIII, 17]. Utrisque autem modis in humilitate arrogans sternitur, quia aut poenitendo cognoscit culpam, aut pereundo percipit poenam: