| 2 | [4. ] Iusti convicia non reddunt.--- Mali viri cum aliis sibi similibus conviciosa verba proferunt, eo citius obmutescunt, quo de se talia mox audiunt qualia suis auditoribus dicunt. Cum autem bonos viros per conviciosa verba iaculantur, nil eis molestiae ex convicio nascitur, quia contra tacentes loquuntur, nec compelluntur audire quod sunt, quia iusti convicia non reddunt, etiam dum coguntur audire quod non sunt. Bene ergo dicitur: Aut aliquid tibi molestum est, si loquaris? Ac si ei aperte diceretur: Eo plus loqueris quo a me molestum aliquid de tua actione non audis. Unde et subditur,--- VERS. 4.---Poteram et ego similia vestri loqui. [Rec III.] Narrat iustus quid facere potuit; sed ne iustitiam deserat, quod facere potuit declinat. Sequitur: |