monumenta.ch > Gregorius Magnus > 13 > 49 > 26 > 53 > 12 > 11 > 4 > 41 > 34 > et qui praecipiti festinatione occupant. > 6
Gregorius Magnus, Moralia in Iob, 4, V . <<<     >>> VII.

Gregorius Magnus, Moralia in Iob, 4, CAPUT VI [Rec. XI].

1

VERS. 6.---Noctem illam tenebrosus turbo possideat.

2

[11. ] Quanta tempestate ad aeterna supplicia raptus.---Scriptum quippe est: Deus [Ita Mss. potiores. In Utic. ad marginem notatur manifeste, quam lectionem amplexi sunt Vulgati.] manifestus veniet, Deus noster, et non silebit. Ignis in conspectu eius ardebit, et in circuitu eius tempestas valida [Psal. XLIX, 3]. Tenebrosus ergo turbo hanc noctem possidet, quia apostatam spiritum a conspectu districti iudicis ad aeterna supplicia, pavenda illa tempestas rapit. Turbine ergo nox ista possidetur, quia superba eius caecitas districta animadversione percutitur. Sequitur:

Gregorius Magnus HOME
bke20.60v bnf2061.113 csg206.195