Gregorius Magnus, Epistolae, 10, EPISTOLA VII. AD MARINIANUM RAVENNATEM EPISCOPUM. Ioannis praefecti uxorem commendat.
| 1 | Gregorius Mariniano episcopo Ravennae. |
| 2 | Gloriosissimus filius noster Ioannes, praefectus urbis, ad hoc illuc latorem praesentium Ioannem virum clarissimum destinavit, ut gloriosam coniugem ipsius Deo debeat protegente huc perducere. |
| 3 | Quam et nos huc volumus per omnia advenire, ut praedictum gloriosissimum filium nostrum non divisum, sed totum habere possimus. |
| 4 | Fraternitas itaque vestra sollicitudinem gerat ne quod impedimentum ad veniendum sustineat, atque ut hic citius adesse valeat, studiose concurrat. |
| 5 | Et ita se circa eam quocunque exegerit usus exhibeat, ut nec suam abesse esse coniugem sentiat, et nos in vobis modis omnibus praesentes esse cognoscat. |