Gregorius Magnus, Epistolae, 9, EPISTOLA XIX. AD SYRACUSANI PATRIMONII COLONOS. Ut obediant Romano defensori.
| 1 | Gregorius colonis patrimonii Syracusani. |
| 2 | Cognoscatis volo quia ad sollicitudinem vos defensoris nostri dispositio nostra pertinere constituit. |
| 3 | Et ideo praecipimus ut ea quae vobis peragenda pro utilitatibus ecclesiasticis praeviderit et iniunxerit, sine aliqua debeatis difficultate obedire. |
| 4 | Cui talem dedimus potestatem, ut eos qui inobedientes vel attentaverint contumaces existere districta ultione corripiat. |
| 5 | Pariterque illi demandavimus ut mancipia quae foris latitant, vel a quoquam aliqui fines invasi sunt, sollicitudinis suae instantia iure ecclesiastico revocare non differat. |
| 6 | Noveritis etenim cum periculo suo fuisse commonitum, ut nullam aliquando violentiam rebus alienis vel raptum qualibet excusatione facere praesumat. |