| 1 | Gregorius Maximiano episcopo Syracusano. |
| 2 | Postquam in Agathonem quondam episcopum, iuxta qualitatem excessuum districtione est canonica vindicatum, necesse est, humanitatis intuitu, quemadmodum sustentari possit disponere. |
| 3 | Propterea fraternitas tua ad Liparitanam Ecclesiam, in qua supradictus Agatho sacerdotis gessit officium, festinet dirigere, eique ad praesens exinde quinquaginta solidos, qui in eius possint proficere victum, transmittat. |
| 4 | Nam nimis est impium si alimoniorum necessitati post vindictam subiaceat. |