Gregorius Magnus, Epistolae, 2, EPISTOLA XI. AD NEPESINOS. De Leontio illuc transmisso, ut ei obediant.
| 1 | Gregorius clero, ordini, et plebi consistenti Nepae. |
| 2 | Leontio viro clarissimo praesentium portitori curam sollicitudinemque civitatis iniunximus, ut in cunctis invigilans, quae ad utilitatem vestram, vel Reipublicae pertinere dignoscet, ipse disponat. |
| 3 | Ideoque dilectionem vestram scriptis praesentibus admonemus, quatenus ei exhibere obedientiam in omnibus debeatis, nec quisquam vestrum eum pro vestra utilitate tractantem existimet contemnendum: quia quisquis incongrue ordinationi eius restiterit, nostrae resultare dispositioni cognoscetur. |
| 4 | Quicunque vero eum in iis, quae supra retulimus, audierit, nos audiet. |
| 5 | Si quis autem, quod non credimus, eum post hanc admonitionem nostram contemnendum putaverit, ad suum procul dubio sciat pertinere periculum. |